Things are never bad as they seem

પતિના પ્રેમને પામવાનો રસ્તો પેટથી પસાર થાય છે એમ માનતી એક સ્ત્રી ઘણા ભાવથી રોજ ટિફિન ભરે છે અને થોડી પ્રેમની રેસીપી અજમાવે છે. વર્ષોથી પત્નીના હાથનું જમતો એ પતિ ઓળખી નથી શકતો બદલાયેલા ટિફિન ને કે બદલાયેલી પત્નીની માનસિક સ્થિતિને.
આખા વિશ્વમાં અને ખાસ કરીને ભારતમાં એવી કેટલી સ્ત્રીઓ હશે કે જે માત્ર આ કામ કરીને ખુશ રહેતી હશે, એના પતિ ભાણે બેઠીને એમ બોલે કે “આજે મજા પડી ગઈ” ત્યારે તેનો ભવ સુધરી ગયો હોય તેમ ઘેલી થઈ જાય અને આવું જ તે પતિની પથારી ગરમ કરીને ફીલ કરતી હોય છે
એનું જીવન તો શું ! એના વિચારોનું જગત સુધ્ધા એના પતિ અને સંતાનો પૂરતું સીમિત થઈ જતું હોય છે…એવા સમયે જો એને કોઈના તરફથી સહાનુભૂતિ મળે, થોડો સ્નેહ મળે તો તેના તરફ એને ઢળવું ગમે,તે વ્યક્તિને મળવું ગમે, પોતાની જાતને એક નવી દિશા આપવી ગમે.
એવું અહીં બંને પક્ષે છે બે વ્યક્તિઓમાં જ્યારે ઘણા સમયથી ખાલીપો ઘર કરી ગયો હોય ત્યારે તેઓને લાગણીઓથી સધ્ધર થવુ ગમતું હોય છે..પણ ઈલા અને સાજનનું મળવું બધા કેસમાં સક્સેસ ક્યાં જાય છે !
આવી ઘણી બધી સ્ત્રીઓ અને સાજન સમા પુરુષોને લાગણીની માંગણી ન કરવી પડે, તેઓની આવેગોની અભિવ્યક્તિ થતી રહે તેમાં જ મજા છે…બાકી બધા જ લોકોને ઊંચી મંઝિલથી છલાંગ મારવા હિંમતની જરૂર હોતી નથી એમની મજબૂરી અને મન સાથેની દુરી કાફી હોય છે.

~ Dr Hiral M Jagad ‘Heer’ (Bhavnagar)